Ujjwala Yojna Free Gas Cylinder : पंतप्रधान नरेंद्र मोदी यांनी सुरु केलेल्या ‘प्रधानमंत्री उज्ज्वला योजने’अंतर्गत आता आणखी २५ लाख महिलांना मोफत एलपीजी गॅस कनेक्शन दिले जाणार आहे. सरकारने या योजनेच्या विस्ताराला मंजुरी दिली असून, यामुळे महिला सक्षमीकरणाच्या दिशेने एक मोठे पाऊल उचलले गेले आहे.
योजनेची प्रमुख वैशिष्ट्ये आणि फायदे
- नवीन लाभार्थी: केंद्र सरकारच्या या निर्णयामुळे आर्थिक वर्ष २०२५-२६ मध्ये २५ लाख महिलांना मोफत गॅस कनेक्शन दिले जाईल.
- एकूण संख्या: या विस्तारानंतर उज्ज्वला योजनेच्या लाभार्थ्यांची एकूण संख्या १०.६० कोटींवर पोहोचेल.
- खर्च: भारत सरकार प्रत्येक नवीन कनेक्शनसाठी ₹२०५० खर्च करणार आहे.
- मिळणारे फायदे: लाभार्थी महिलांना मोफत एलपीजी सिलिंडर, गॅस स्टोव्ह आणि रेग्युलेटर दिले जातील.
सिलिंडर आता फक्त ₹५५३ मध्ये
या योजनेतील सर्वात मोठा फायदा म्हणजे सिलिंडरवर मिळणारे अनुदान. सध्या सरकार एलपीजी सिलिंडरवर ₹३०० चे अनुदान देत आहे. यामुळे उज्ज्वला योजनेतील १०.३३ कोटींहून अधिक कुटुंबांना गॅस सिलिंडर केवळ ₹५५३ मध्ये मिळत आहे. ही किंमत जगातील बहुतांश एलपीजी उत्पादक देशांपेक्षा कमी आहे.
हा निर्णय नवरात्रीच्या शुभमुहूर्तावर घेण्यात आला असून, यामुळे महिलांना घरकामात मोठा दिलासा मिळेल आणि त्यांचे जीवन अधिक सुकर होईल.
