Gold Silver Price Today: आज अमेरिकन फेडरल रिझर्व्हच्या पतधोरण समितीची महत्त्वाची बैठक होत आहे. या बैठकीपूर्वीच भारतीय वायदे आणि सराफा बाजारात सोने आणि चांदीच्या किमतीत मोठी घसरण पाहायला मिळाली आहे. डॉलर मजबूत झाल्यामुळे आणि फेडरल रिझर्व्हच्या संभाव्य निर्णयांच्या पार्श्वभूमीवर गुंतवणूकदार सावध भूमिका घेत आहेत, ज्यामुळे दोन्ही मौल्यवान धातूंवर दबाव दिसून येत आहे.
वायदे बाजारात मोठी घसरण
११८ सप्टेंबर २०२५ रोजी सकाळी १० वाजता वायदे बाजार (MCX) मध्ये सोन्याचा ऑक्टोबरमधील वायदा ०.४१% नी घसरून ₹१,०९,७०५ प्रति १० ग्रॅमवर पोहोचला. तर चांदीचा डिसेंबरमधील वायदा १.१८% नी कमी होऊन ₹१,२७,३०४ प्रति किलोवर आला. या घसरणीमुळे सोने खरेदी करण्याची ही चांगली संधी निर्माण झाली आहे.
सराफा बाजारात सोन्या-चांदीचे दर
इंडियन बुलियन्स अँड ज्वेलर्स असोसिएशन (IBJA) नुसार, आजचे सोन्या-चांदीचे दर खालीलप्रमाणे आहेत:
- २४ कॅरेट सोने: ₹१,०९,९७० प्रति १० ग्रॅम
- २३ कॅरेट सोने: ₹१,०९,५३० प्रति १० ग्रॅम
- २२ कॅरेट सोने: ₹१,००,७३० प्रति १० ग्रॅम
- १८ कॅरेट सोने: ₹८२,४८० प्रति १० ग्रॅम
- १४ कॅरेट सोने: ₹६४,३३० प्रति १० ग्रॅम
- चांदी: ₹१,२९,३०० प्रति किलो
येथे नमूद केलेले दर वायदे बाजारापेक्षा वेगळे असू शकतात कारण सराफा बाजारातील किमतींमध्ये जीएसटी आणि इतर शुल्क समाविष्ट असते.
दरांमध्ये घसरण का होत आहे?
अमेरिकन फेडरल रिझर्व्हच्या बैठकीत व्याजदरात २५ बेसिस पॉईंट्सची कपात होण्याची शक्यता आहे. अशा प्रकारची दर कपात झाल्यास सोन्याची मागणी वाढू शकते, कारण गुंतवणूकदारांना इतर पर्यायांमध्ये कमी परतावा मिळतो. तसेच, डॉलर मजबूत झाल्यामुळे इतर चलनांच्या तुलनेत सोन्याची खरेदी महाग होते, ज्यामुळे सोन्याची मागणी कमी होते आणि दरांवर दबाव येतो. तज्ज्ञांच्या मते, भविष्यात आणखी दर कपाती झाल्यास सोन्याच्या दरात पुन्हा वाढ होण्याची शक्यता आहे.
