Transport Allowance: केंद्र सरकारने आपल्या कर्मचाऱ्यांसाठी एक महत्त्वाचा निर्णय घेतला असून, दिव्यांग श्रेणीतील कर्मचाऱ्यांच्या परिवहन भत्त्यात (Transport Allowance) वाढ केली आहे. सातव्या वेतन आयोगाच्या (7th Pay Commission) भत्त्यांमध्ये ही सुधारणा करण्यात आली असून, आता हा भत्ता दोनपट (Double) होणार आहे. वित्त मंत्रालयाने या संदर्भात सर्व मंत्रालयांना आणि विभागांना तातडीने निर्देश दिले आहेत. ही सुधारणा १५ सप्टेंबर २०२२ च्या सूचनांनुसार करण्यात आली आहे.
या श्रेणीतील कर्मचाऱ्यांना मिळणार डबल भत्त्याचा लाभ
हा डबल परिवहन भत्ता दिव्यांग व्यक्तींचे हक्क (RPwD) कायदा २०१६ आणि अपंग व्यक्तींच्या सक्षमीकरण विभाग (EPwD) मध्ये परिभाषित केलेल्या कर्मचाऱ्यांसाठी लागू असेल. यात खालील दिव्यांगत्वाचा समावेश आहे:
- अंधत्व (Blindness) असलेले कर्मचारी.
- लोकोमोटर अपंगत्व (Locomotor Disability), यात सेरेब्रल पाल्सी, कुष्ठरोग बरा झालेला, बौनेपणा, अॅसिड हल्ल्याचे बळी, स्नायूंचा अपंगत्व आणि पाठीच्या कण्याचा आजार यांचा समावेश आहे.
- कर्णबधीर, मूक आणि श्रवणदोष असलेले कर्मचारी.
- ऑटिझम स्पेक्ट्रम डिसऑर्डर आणि बौद्धिक अपंगत्व (Intellectual Disability).
- दीर्घकालीन न्यूरोलॉजिकल स्थिती, जसे की मल्टीपल स्क्लेरोसिस आणि पार्किन्सन्स.
- बहिरेपणासह अनेक अपंगत्व (Multiple disabilities including deafness).
सातव्या वेतन आयोगात मिळणारे प्रमुख भत्ते
केंद्रीय कर्मचाऱ्यांना सातव्या वेतन आयोगांतर्गत अनेक महत्त्वाचे भत्ते मिळतात. या निर्णयामुळे दिव्यांग कर्मचाऱ्यांसाठी मोठा आर्थिक दिलासा मिळाला आहे. सातव्या वेतन आयोगातील प्रमुख भत्ते खालीलप्रमाणे आहेत:
- महागाई भत्ता (DA)
- घरभाडे भत्ता (HRA)
- परिवहन भत्ता (Transport Allowance)
- मुलांच्या शिक्षणासाठी शिक्षण भत्ता
तसेच, आठवा वेतन आयोग १ जानेवारी २०२६ पासून लागू होण्याची शक्यता असून, त्यामध्ये इतर भत्त्यांमध्येही वाढ होण्याची शक्यता आहे.
